我地由別府站東口出發, 26或26A
詳細既資料我係呢度話你知 別府觀光案內所
咁岩架巴士準備開出，而司機又肯等埋我地
沿路經過海邊幾令，有隻郵輪望下
我地係’血之池地獄前站’落車
龍卷地獄同血池地獄真係十米都唔夠既距離
我地先去龍卷地獄買套票，如果去哂7個地獄，買套票可以平單次買幾百yen
佢地比左個leaflet比我地儲印仔
仲有一個介紹
買完套票後，職員同我地講龍卷地獄仲有20分鐘開始，叫我地先去血池地獄睇左先
套票要自行摵票尾並放入箱
血池地獄
行上樓梯係上面影落溫泉
由於我地冇睇時間，導致血池地獄都係睇完就算，冇行到入面既一啲店舖，不過貪過癮買左佢個血池，火紅的蚊香
呢個係佢其中一間小店
龍卷地獄
之後返過去龍卷地獄，佢噴出黎個下真係好震撼
最好睇係由佢出煙，到佢噴出黎個一兩秒
都有維持左5-10分鐘 完左之後好多人都去吸印仔留念
好多人都中意藍，白，紅呢三個地獄，但對我黎講佢係最有動感，最震撼既一個
睇完兩個之後搭巴士去睇埋其餘5個
Tips
建議大家去到”海地獄前”站落車，咁樣由山上係返落去山下冇咁辛苦
落車過對面穿過停車場，行上少少就見到海地獄
海地獄
海地獄真係幾大
出面有個蓮花池
之後穿過商店就會見到海地獄，隻藍色真係好令
之後見到有個鳥居
再行入去
會見到個神社
走時吸返個印仔
有個蒸氣噴出黎
鬼石坊主地獄
行過隔離就係鬼石坊主地獄
鬼石坊主地獄之所以叫呢個名，因為個地獄好似和尚個頭
睇唔明，太抽象🤣
入面先有個幾個細既
中間有呢個蒸石頭，好似桑拿
終於見到主池
走個時有個浸腳池
灶地獄
去完之後行落去就係灶地獄
講實話入面其實係將咁多個地獄迷你版再放埋一齊
唯一特別係可以飲溫泉水同蒸汽洗臉 仲有得食蒸雞蛋同雪糕
同樣都係有浸腳池
走個時又見到有花花
紀念品商店都有印章比你吸印，有兩個印仔揀
白池地獄
由於時間無多，我地即刻去睇白池地獄
一個大大既白色魚湯
都冇點細睇就立刻趕去鬼山地獄，好可惜佢剛好5點閂門 好遺憾未能儲哂印仔
全程都用左三個幾鐘(未計車程)，仲要miss左個 如果真係想慢慢行真係預半日，除非打個卡就走
一路走落去就會到左巴士站