引言
大家係ig reels或其他地方都會有人介紹搭聖誕老人列車
佢地永遠介紹既係有睡房，有沖涼房
今次我好不幸地買唔到有房，只係一般座位
所以比大家睇下一般座位會係咩體驗
買飛
大家可以係呢個網站買飛
只要大家個location係咁樣，基本上就係聖誕老人火車
之後買飛都係正常流程
之後你會係email收到QR Code，到時車上有人查飛時就比佢睇
你見到我地當時係顯示只有座位，包廂係冇哂
如果聖誕節期間去，建議早2個月買，我記得10月睇時已經冇哂房
呢張係我地11月買完既收據，比大家參考
Helsinki 中央火車站上車
上車會係Helsinki中央火車站
火車站好大，要搵係需要少少時間，但月台係地面，唔好落地下
同去月台都有機會行出去戶外
列車到達
車身係會見到車卡位，對返自己既車卡就可以
行李位
當你入車門時，你會見到有銀色既金屬，留意下開唔開到，個度係用黎放行李
而且位置係有限，先到先得
座位上方係有個架，但闊度只可以放到背囊或手提行李
當時我唔知，拎住行李走上層，發現冇位放行李，又拎返行李落樓下
幸好車上有對馬來西亞情侶/夫婦，佢地好好人，幫我手搵行李位，可惜已經冇哂
冇哂位唯有就亂放
仲有就係，如果唔係有床位只係包廂，其實行李都係同大家一樣放係行李櫃或求其搵位放
一般座位
一般座位大概係咁架
如果搭夜車，預左凌晨先瞓到覺
傳聞芬蘭人都比較靜，不過由於中途都有站上落，年輕人通常一上車比較多野講
幸好如果你覺得嘈，同佢地講聲，佢地都會靜
不過如果你係易醒特質，可能一般座位會比較辛苦
車上設施
上層的話前後都有樓梯，而上層一卡只有一個廁所
廁所可以想像為飛機廁所咁
頭尾都有個傾電話既房仔
中途會有職員巡查，不過都冇查過我地，可能佢只會查原本空置既位比人坐左
餐廳
朝早時候行過去餐廳
朝早風景
由於夜晚外面全黑，比一啲朝早既風景相比大家睇
抵達Rovaniemi
到達既時間同預期差唔多
到達Rovaniemi
後記
我會建議如果卜唔到睡房就搭飛機，雖然我個人比較易瞓著
但係腳未必可伸太前，凳又係普通座位
路人不斷出入
下層車卡與車卡既感應門有啲壞壞地
除非真係想試下坐火車過夜或者想慳機票同一晚酒店錢，一般座位都係一個選擇
今次都係一個唔錯既經歷
不過比我揀，冇睡房我都係搭飛機算