最後一日早餐
黎到最後一日，由於班機係晏晝機
所以都冇行程
今日如常起身去左食早餐
買雞肉鬆
食完早餐後就去左幫同事買雞肉鬆
佢話佢個仔好中意食，仲可以即食
係士林站1號出口轉右，沿住馬路行就會見到係右邊
買完返到酒店放低等埋朋友
幫朋友買蓮霧
突然在台朋友叫我幫佢去果子李-水果行買蓮霧
我係台北車站既新光三越走過去
跟住google map行
當見到臺灣省城隍廟牌樓時就走入去
係路既右邊一路行，當你見到左邊係臺灣省城隍廟
行前少少右邊會見到一個好暗既巷仔
走入去就係兩排水果檔
買完後因為天氣真係太熱，走入新光三越避暑
台灣自助餐
會合朋友後就會食台灣自肋餐
被朋友既台灣老婆話呢啲台灣人有得揀都唔會食
但我覺得呢啲同滷肉飯一樣，先係台灣食物既靈魂
就似香港既兩餸飯，茶記冰室一樣
當年我都係靠佢地充飢架
不過在台朋友話放係飯盒既就係便當
唔緊要喇，食左就得
朋友同佢老婆就去食餃子
前往桃園機場
之後大家係台北車站跟住指示牌走去機場捷運
機場最後一杯
穿過機場檢查，由於仲有時間
係一間食牛肉麵既餐廳坐低飲啤酒
最衰就係冇影低個啤酒
藍色罐裝，台灣製造
只有機場先有得買，罐啤酒真係好香好好飲
回香港
去到最後
終於要返香港喇
後記
今次呢個trip好有趣，原本大家都只係知道7月5號既成人展去台北
結果每個人既班機、住宿同到達時間都唔同，到埗後先再慢慢join埋一齊
另一邊就有住係台灣既朋友帶住我周圍食、周圍行，成個旅程變成一半係去成人展，一半係同朋友飲飲食食
明明只係短短幾日，但感覺做左好多唔同既野
有期待左好多年既成人展、有第一次去既地方、有一齊食飯飲酒吹水既時間
最後返香港時反而覺得呢個trip比想像中特別
如果之後再有機會，我應該都會想再去一次
不過下次可能唔會再排到咁密喇哈哈