Tromsø 日間閒逛
朝早起身係酒店食完早餐後，有啲時間就周圍行
比大家睇下晏晝1點既Tromsø
超市與手信
去左附近一間超市買手信
有鯨魚同鹿既肉乾
仲有一啲隨心拍
出返去大街
呢間 Normal 都係賣啲比較平既野
掃貨前可以過黎望下
呢間7仔啲杯可以放到咁長真係好厲害
Tromsø 市中心與碼頭
行左去碼頭看海
呢度好多雀集會
見到個大型購物中心 —— 納斯川達購物中心（現名 Alti Nerstranda）
個商場好多野行
去左一間最多人既舖頭 —— 酒舖
前往 Mack 啤酒廠
行左陣就去今日既重頭戲︰Mack啤酒廠
我地就係佢個官網book佢個tour
入到去佢地個門口，個度係賣返佢地自家產品
Mack 啤酒廠 Tour
同職員講後, 等左一陣就會帶我地開始參觀
成個Tour得我同我朋友兩個
帶我地參觀既係一個年輕靚仔
啤酒廠歷史
一開始會放一啲錄影片
講述呢間啤酒廠既歷史
由發跡、家族經營、渡過二戰同納粹軍時期，一路講到今日
片係用英文播放，不過到時任行政總裁講野時既片，我就唔確定係咪挪威文
完結後導遊帶我地到隔離既房仔
佢一黎就問我地對於岩岩條片有冇問題
我見佢咁後生就問佢，究竟你係咪家族成員
佢笑住答唔係，雖然佢都想係
佢父母係呢間啤酒廠返工
佢時不時會過黎做 part time
今年岩岩18歲，係啤酒廠酒吧度返工
令我諗起李嘉誠
全家都幫佢打工哈哈
啤酒花、釀酒設備與試飲
黎到呢度佢會講下佢地既啤酒花
亦會講佢地釀酒用既係咩水
然後試飲佢地既啤酒
再講解下用咩器材
釀酒桶與廠房參觀
之後上一層就會比我地睇下佢地個釀酒桶
佢地既釀酒桶都係員工畫畫上去
然後會介紹每一個桶既器材有咩用
跟住會帶我地去到佢地其中一個辦公室
佢亦會講解呢個桶有咩用
佢地都會物盡其用，用完既啤酒花都有一啲用途
我唔記得左哈哈
佢呢個啤酒樽都有一啲 gimmick
用手機掃佢地個樽會出一首歌
啤酒廠會配一啲佢地認為適合呢款啤酒既歌
令大家可以一路聽歌，一路飲酒
真係好寫意
啤酒與紀念品
成個Tour完左後
買左幾款包括岩岩飲完覺得好飲既啤酒
佢地都有出一啲apple cider
Tour 完左後，我地又去行左陣街
晚餐前簡單醫肚
因為我地去北歐前好多人都話冇啖好食
結果帶左好多杯麵
為左清哂佢地唔洗帶返屋企
我地係超市買左魚蛋
用我地帶返黎既熱水壺煮熱佢
佢地啲魚蛋有別於香港魚蛋
都好好食
前往 Fjellheisen 纜車
出發上山睇極光喇
我地既纜車票係官網買
大家亦可以即場買
我地就搭巴士過橋去搭纜車
抱歉當時冇影低邊度搭車同落車
大家可以跟Google Map
上山途中已經見到極光
如果行上山，建議問當地居民或跟實google map
有啲指示牌會指錯位
啲屋都幾骨緻
上山睇極光
纜車途中
上到去後大家都已經影相，睇極光
Tromsø 山頂夜景
上面得唯一一間Cafe
係所有人取暖既地方
出面有張櫈係可以望到成個Tromsø
Cafe出面有個雪人
最後一班纜車落山
我地搭最後一班纜車落山
食個McDonalds就走了
後記
夜晚上山真係要帶多幾件衫，越夜越凍
記得戴埋冰釘，上山途中沿路都係冰
有啲巴士站側邊有部機可以買飛
Tromsø McDonald係全世界最北既分店
大家可以去店度購買一張明信片作為紀念