大分海洋宮殿水族館 海之卵
基本資訊
地址： 3078番地の22 Kanzaki, Oita, 870-0802日本
營業時間： 0900 ~ 1800
時間跟官網為準，有時會因為日期不同而改變營養時間
門票：
成人（高中生以上）3,000円
學生（小學生・中學生）1,500円
幼兒（４歲以上）1,000円
官網有得買飛，但個人覺得去到先買都唔怕
建議停留時間： 半日
至少睇哂所有表演
官方網站： https://www.umitamago.jp/index-tc/
呢個係我覺得咁多個官方網站做得最好，沒有之一
資訊開放得好好，又多語言
大人細路，拍拖都好岩黎
交通方式
由別府塔前站等車，到崎山巴士站下車
都只係十幾分鐘
交通方式我呢度都唔詳細
呢個係官網比既交通方法：https://www.umitamago.jp/access-tc/
一落車就見到，最近你既館就係水族館喇
入口同售票處係上面，地下係出口
如果要搭𨋢可能真係要搵下，所以我地就行樓梯上去
現金，信用卡都收
入場及館內設施
入到門口記得攞小冊子，有地圖同表演時間，方便大家去搵
入到去有𨋢，方便行動不便既人
你可以選擇即刻行出去戶外表演地方或繼續係室內參觀
由於距離海象表演仲有一段時間，我地選擇先逛陣
有啲動物BB相
入到去會見到有啲淺水區既生物
聽講呢條魚本身係棲息係河道，由於別府好多溫泉，呢條魚就因為溫暖而開始住係渠入面
行左陣發現時間差唔多，咁岩又有樓梯上返去就選擇上去
一上到去就見到海龜同海星個啲
海星個啲可以你掂下啲水，不遠處仲有洗手間同洗水盆
好幸運睇到飼養員幫水獺敷藥，好得意呀😍
有魔鬼魚，佢地會伸個頭出黎，唔知比唔比摸 不過個個都摸
海象表演
出左去睇海象表演 估唔到一出場就係塘鵝，真係好surprise 未見過鳥類既表演
好想比大家睇哂啲錄影，不過呢啲親身去比較震撼
佢地有邀請小朋友去同海象互動
雖然全程日文聽唔明，不過氣氛真係好好
塘鵝係有專車接送架 (片中分幾鐘後就見到)
去到最後大家可以摸摸海象，好好玩
完左後可以望下海象既住既地方
海豚表演
本身諗住去等海豚表演
行返轉頭唔知係咪因為有啲小朋友遲左到，園方比小朋友同海獅互動
建議跟住小朋友一齊行，佢地對小朋友真係好好
黎到海豚表演喇
如果想坐係度睇，記得要買雨褸
佢地會打空翻架
企鵝及海豹互動區
之後返入去，佢地有好多魚
有一款好似唔係好多水族館見到
水母同呢類魚係光下好令
地下個層既深水區都有啲唔同野睇
去到戶外，有個工作人員帶小朋友企係水度，我估會比小朋友摸摸海豚
咁岩到時一班小朋友同工作人員由海豹度去左個路上，睇唔到有咩發生
工作人員帶啲企鵝行出黎
大家可以好近距離去望企鵝
真係隻手伸前親摸到既距離
好搞笑既位係，海象海豹佢地有休息區，仲係對外開放
望住佢地瞓覺，休息完全覺得佢地打工一樣
遊樂設施
地下有小朋友既玩樂設施
小朋友可以感受下電鰻既威力
有個小朋友好可愛，電過一次又想電多次🤣
娃娃魚
其他圖片
長腳蟹，各位應該都聯想到食物🤣
呢條應該就係地震魚
Cafe
Lunch就去左佢地間cafe食野
一入門口就係扭蛋區
小朋友可以揀要咩呀
望住出面既海同海燕係度飛
個人感想
雖然我唔係睇過好多水族館
不過入面魚既種類其實同其他水族館差唔多
最特別反而係同動物有好多近距離接觸
未試過咁近距離
如果係一家大細、情侶或者鐘意動物既人
我會推薦大家去
完
其實望住海豚一啲高智慧生物被困住真係好心痛，佢地應該都想有自由