抵達 Rovaniemi
起身既時候仲係火車度
由於我地自己帶左野食，就冇食到火車上既野食
到達Rovaniemi就已經係11點
所有乘客同我都係抱住興奮既心情
本身係Helsinki既時候係冇雪，去到見到一片雪地
心中都難免好振奮
大家攞完行李之後蜂擁而至去轉車
前往酒店
呢度搭車既app同Helsinki唔一樣，大家要留意
我地搭巴士去酒店 --- Scandic Rovaniemi City
基本上見到終點係Rovaniemi就上車
途中我地都一路睇住google map
去到呢個站落車行去酒店
對面係咁樣
巴士站上既牌
佢地整左個雪人主題公園比小朋友玩
巴士反方向行，有條大馬路，轉右過馬路一直行
就會見到酒店
左邊係一個好大既商場
去到酒店後，由於未到check-in時間
前往聖誕老人村
我地放低左行李後就直接去聖誕老人村
呢張係酒店話我地知既巴士時間表
QR Code可以買飛
本身諗住仲有時間可以行一圈商場
去到巴士站被路人問站
其實我地都唔識，不過巴士站寫住去聖誕老人村就答佢
話鋒一轉，有架同樣去聖誕老人村巴士到左
我地就問司機係咪同一架巴士
司機話唔係，但佢見我地已經買左飛所以就比我地上車
比少少風景相大家望下
抵達聖誕老人村
到總站就係聖誕老人村
落車時大家記得睇車唔好樂極生悲，好多車係度出入
終於到左喇!!!
萬眾期待既聖誕老人村
呢個係聖誕老人村既地圖 Santa Claus Village Map
午餐與 Food Market
我地第一時間去食傳說中最好食既三文魚
Santa’s Salmon Place
於是我地就行過去
可惜由於大排長龍
我地又book左tour
唯有去Food Market度食啲野
途中經過既地方
Tour 開始
我地係呢度book tour getyourguide
買左後會有個email confirmation
Husky Ride
上車後司機就帶我地去坐狗
聖誕老人村導覽
之後就返去聖誕老人村
有個導遊會帶住我地, 介紹聖誕老人村
途中有個路標, 佢係指返個個地方既方向同距離
可惜搵唔到香港
馴鹿雪橇
之後就會坐馴鹿雪橇
完左既時候可以叫職員幫你同隻鹿影相
基本上職員都會配合你
完左後, 導遊會帶大家去火堆等埋其他人
都有人係火堆燒綿花糖同包
見聖誕老人
去到睇聖誕老人喇
去到等時個電視顯示
個時顯示4點已經截龍
我地就真係好幸運有fast pass唔洗排隊直接入場
入去了
如果唔想被揭起塊神秘面紗，大家可以飛過下面啲相唔睇。
一路行時, 導遊會一路介紹呢條通道
出左通道就會黎到好似reception既地方
呢度可以買野送比聖誕老人
買完等既時候, 呢度有好多世界各地既名人都會show出黎
其中有香港藝人 黃翠如
仲有平仔
過埋呢度都見到聖誕老人
入到去係禁止拍攝
精靈係幫你拍片同影相
完結時可以攞返啲相同片 收錢架
你仲可以問聖誕老人問題
其實真係見一見5分鐘咁
不過聖誕老人臨尾比我問多條問題❤️
出到去就係買紀念品既地方
個度只准出唔准入
個度都可以順便寄明信片
呢度種類較多但貴
如果大家忍到手, 可以出左紀念品店後上樓梯
個度仲有一間都係賣紀念品, 款式較少不過就平啲
完左既時候, 大家可以跟返tour走, 會送你返酒店
Santa’s Salmon Place
不過我地仲未食大家一直心心念念既三文魚, 所以冇跟返去
店家係用柴火去烤三文魚
位置比較迫, 如果有袋同衫, 可能真係唔夠位
抱歉冇影menu比大家
我地二人分別叫左唔同既甜品, 不樣一樣係三文魚
夜遊聖誕老人村
食完後, 大家都意猶未盡, 決定慢慢閒逛
見到張地圖, 特登去影低
太大喇, 避免盪失路
閒逛既相
呢度個燈光好適合打卡
幸運遇上極光
當我地準備走時
好幸運睇到極光呀
返回 Rovaniemi
由於聖誕老人村既巴士大概6點就冇
當時對比的士同Uber後
我地call Uber
後記
其實聖誕老人係免費入場，如果大家係淡季黎的話係唔需要比錢tour
買左tour其實就唔洗等
不過旺季真係建議買，否則白行一趟
狗拉雪橇其實係得2分鐘左右就完，都係跑一圈
都唔係全部雪橇犬，我見到都有唐狗
私心中意坐鹿，位置舒服又可以慢慢黎
Information Centre既職員係中英文都得
英文唔叻既朋友都唔洗怕