下午到達別府
到左後立刻去個廁所哈哈
由於我地今日要去別府地獄，我地要去觀光所買one day pass
地下有指示到觀光所係邊
搵到東口呢個出口後 (廁所另一邊)
轉右
再直行少少就見到係你右邊
入面既職員好有耐心咁教導同介紹景點 (雖然我地冇去佢推介既哈哈🤣)
詳細既資料我係呢度話你知 別府觀光案內所
買左one day pass後
當然要食枝煙喇
離開觀光所轉右, 見到呢個市場 (呢度都有啲餐廳可以食野)
一路向前行，過左啲餐廳
左邊會見到有一兩個行入停車場
當行到盡頭
最近盡頭個個路口入去
左邊門口就係吸煙區喇
如果你見到熄左燈唔驚，佢自動感應會開燈開冷氣
食完就係時候出發去酒店喇
前往酒店
當日既烈日當空
好大朵蒲公英
途經幼稚園
幼稚園對面有個公園
到達喇
酒店內既資料我係呢度介紹 Apartment Hotel Yaezaki
出發別府地獄
我地返到去別府車站，好幸運司機等埋，免得要等差不多半個鐘
沿路巴士相
我地係’血之池地獄前站’落車
龍卷地獄同血池地獄真係十米都唔夠既距離
我地先去龍卷地獄買套票，如果去哂7個地獄，買套票可以平單次買幾百yen
買完套票後，職員同我地講龍卷地獄仲有20分鐘開始，叫我地先去血池地獄睇左先
由於我地冇睇時間，導致血池地獄都係睇完就算，冇行到入面既一啲店舖，不過貪過癮買左佢個血池，火紅的蚊香
之後返過去龍卷地獄，佢噴出黎個下真係好震撼
好多人都中意藍，白，紅呢三個地獄，但對我黎講佢係最有動感，最震撼既一個
睇完兩個之後搭巴士去睇埋其餘5個
Tips 建議大家去到”海地獄前”站落車，咁樣由山上係返落去山下冇咁辛苦
落車過對面穿過停車場，行上少少就見到海地獄
海地獄真係幾大
出面有個蓮花池
之後穿過商店就會見到海地獄，隻藍色真係好令
之後行過隔離就係鬼石坊主地獄
去完之後行落去就係灶地獄
講實話入面其實係將咁多個地獄迷你版再放埋一齊
唯一特別係可以飲溫泉水同蒸汽洗臉
由於時間無多，我地即刻去睇白池地獄
一個大大既白色魚湯
都冇點細睇就立刻趕去鬼山地獄，好可惜佢剛好5點閂門
全程都用左三個幾鐘(未計車程)，仲要miss左個 如果真係想慢慢行真係預半日，除非打個卡就走
一路走落去就會到左巴士站
關於別府地獄既資訊係呢度 Hell of Beppu
晚餐
返到酒店坐左陣去睇附近有咩食，酒店有介紹附近有咩食
食之前去左隔離Donki，都係一路之隔，一分鐘就到Donki
係Donki影既別府塔
行過去食左個拉麵
抱歉食到一半先記得影相
Menu
最特別係第一次加麵係免費架
咁就完左一日既旅程