基本資訊
酒店好近台北車站
基本上台北車站過對面就係，位於新光三越隔離
我check in時間已經係7-8點
房間
房間一入去有陣水氣味
房間比較細，二人同住可能比較逼狹
不過麻雀雖小，五臟俱全
連熱水煲都有
四樓 Lobby 與公共設施
四樓係lobby，一開𨋢門會見到reception
向後轉會有水機同公共廁所
B1 背包客公共空間
酒店除左四樓仲有地下一層
B1係要用左邊部𨋢，拍卡於灰色密碼器先可以撳
地下一層係專比背包客
有一個大既公共空間，有水機同微波爐
走入呢條道道會見到男女廁
男廁會有公共浴室
仲有洗衣機同乾衣機
WIFI都係同一個名
交通方式
酒店仲有機場接送服務，不過要收費
搭捷運過去會比較便宜
由台北車站地面步行
如果你係台北車站地面行
出到大門向右邊行
於呢度過馬路
過左馬路轉左
穿過新光三越會見到呢間台北凱撒大飯店
沿住佢下面條路一直行
要過馬路既
如果你右邊見到呢間連鎖店
咁約克旅店就係你行前幾步既左邊
佢正對面就係康是美，相中既倒影都見到
經地下街前往
由於當時正值夏天，可以係地下街過去
M3，M4， M5出口出都可以(地鐵站指示牌新光三越)
價錢與整潔度
由於我卜既當時比較貴，對我黎講個時既價錢只係平過台北凱撒大飯店少少
如果價錢鬆動可以我會考慮台北凱撒大飯店
加上我係佢兩條毛巾，被都搵到頭髮
我同完職員講後，佢地都即刻幫我更換毛巾
雖然我見有清潔職員清潔，不過已對個整潔度降分